Mövludun mübarək, Həsən Məmmədov!

22-11-2019, 00:10           
Mövludun mübarək, Həsən Məmmədov!
Səni sevməmək günahdır, sən eşqin fövqündə duran insnsan. Çox “mən”-lər gəlib-gedəcək, sən daim yaşayacaqsan. Bilirəm, sən də İNSAN olmusan, özünəməxsus səhvlərin də olub, amma sən "SƏN' olmusan, sənin yerini heç kim verə bilməz...

Səlyanda doğulmuşdun, amma ölkə hüdudlarına sığmayan sənətkar idin. Fələyin gözü kor olsun, səni də görmədi. Səni təkcə Azərbaycan yox, bütün dünya tanımalıydı...

Doğuldun, yaşadın və bir gün də getdin...

Bu millətə “Dədə Qorqud”un kim olduğunu anlatmağa çalışdın, komsomol “Bəxtiyar”ı sevdirdin, “Abbasqulu ağa”nı bu millətə nümunə göstərdin. Hələ bu harasıdır, onlarla obraza girib, insanlığın ali səviyyəsini nümayiş etdirdin...

Bilirsən nə var, elə düşünmə ki, dünya dəyişib. Bir-iki nümunədən başqa, bu dünyada maraqlı bir şey qalmayıb, ustad...

Görəsən. dünyanın o tayında məni eşidənlər varmı? Onlara deyirəm- Ey günahları bağışlanan və ya bağışlanmayan kimsələr, siz olduğunuz yerdə bir azərbaycanlı da var- Həsən Məmmədov! Bu tayda yaşayan azərbaycanlılar onu çox sevirlər. O, bizim qəlbimizdə hələ də yaşayır. Adı çəkiləndə, rəhmət diləyirik...

22 noyabr 1938-ci ildə dünyaya gəlmişdi. Cəmi 64 il yaşadı. 16 ilildir ki, aramızda yoxdur. Amma “yaşamaq” dediyimiz feildən yüksəkdə durur. Çünki o, yaşamır, o, həyatın özüdür...

Mövludun mübarək, Həsən Məmmədov!

Elman Eldaroğlu,
tekdam@mail.ruшаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.