323 ədəd svetofora texniki xidmət və təmir işləri 2 milyon manata başa gələcək.
9-08-2020, 11:12
Avqustun 6-da elektron tender “Techmaster” MMC-ni (VÖEN: 2003756061) Bakı Nəqliyyat Agentliyinin şəhərdə svetoforların istismarına xidmətlərin alınması üzrə tenderin qalibi kimi müəyyən edib. Bu şirkət bu ilin mart ayında BNA ilə 1000-dən çox svetoforun təchizatı və quraşdırılması üzrə müqavilə imzalayıb. Vahid Dövlət Elektron Satınalma Portalının məlumatına görə, BNA 323 svetoforun texniki xidmət və təmirinə ehtuiyacı var. Bu işə görə "Techmaster" MMC 2 milyon 69.5 min manat (1.2 milyon dollar) alacaq. Mart ayında BNA və “Techmaster” MMC müxtəlif ölçülü 1030 svetoforun, o cümlədən Bakı şəhərinin inzibati ərazisində 110 ədəd 6 metrlik "Г" növünün alınması və quraşdırılması üçün 4,5 milyon manat (2 milyon 652 min ABŞ dolları) məbləğində müqavilə imzalayıb. Bundan əvvəl BNA “Yol Nişan” şirkətindən (VÖEN 1304819001) 2017-ci ildə 767 min manata svetofor sistemləri satın almışdı. "Techmaster" MMC 2016-cı ilin mart ayında 10 manat nizamnamə kapitalı ilə təsis edilib. Şəbəkədə bu şirkətin iqtisadi fəaliyyəti barədə məlumat yoxdur.turan.az