Prezident İlham Əliyev canlı yayımla xalqa müraciətində Şanlı Azərbaycan Ordusu bu gün Füzuli şəhərini və rayonun Qoçəhmədli, Çimən, Cuvalı, Pirəhmədli, Musabəyli, İşıqlı və Dədəli kəndlərini işğaldan azad edildiyini məlumat verib.

Publika.az xəbər verir ki, Füzuli rayonundan olan məşhurlar sevinclərini sosial şəbəkədə paylaşıb.

Müğənni Ədalət Şükürov “Mənim Ana yurdum! Füzulilərin, mənim qohumlarımın gözü aydın olsun! Allah bizə kömək olsun!” sözlərini yazıb.

Murad Arif sevincini belə ifadə edib: “Görəsən oradan hiss edirsən, papa... Nənənin, babanın qəbirləri azad oldu...”

Manaf Ağayev isə instaqramda ölkə başçısı İlham Əliyevin çıxışını paylaşıb.