Cinayət aləmində "Lotu Quli" kimi tanınan "qanuni oğru" Nadir Səlifovun qətli ilə bağlı sensasion iddialar səslənməkdədir.

Avropa.info xəbər verir ki, Rusiyanın “Kommersant” qəzetinin yazdığına görə, “qanuni-oğru” Nadir Səlifov dörd ildir bir-biri ilə mübarizə aparan azərbaycanlı “oğru” klanları arasında gedən savaşın qurbanı olub.

"Lotu Quli" yə qarşı olan klana yaxın mənbənin “Kommersant”a verdiyi məlumata görə, "qanuni oğru"nu qətlə yetirən Xan kriminal aləmdə karyera qurmağa cəhd edən, lakin möhkəm amalları olmayan gəncdir.

"Əvvəlcə o, Quliyə “stavka” edib və bir il əvvəl “qanuni-oğru”nun briqadasına mühafizəçi kimi düzələ bilib. Ancaq Rövşən Caniyevin (Rövşən Lənkəranski) tərəfdarları Xanı tərəflərinə çəkərək, öz şefini öldürməyə inandıra biliblər" - "Kommersant"ın məqaləsində belə deyilir.

“Qətlə görə saxlanılan hər iki şəxsin özü və ailələrinə tərəfimizdən ən yaxşı şəkildə maddi yardım göstəriləcək” – Nadir Səlifova qarşı olan klana yaxın mənbə “Kommersant”a belə deyib.

“Kommersant”ın yazdığına görə, Nadir Səlifovun mirasının bölünməsi prosesi artıq başlayıb.

"Gürcüstandan çıxmış azərbaycanlı tacirlərə “qanuni-oğru” Vaqif Süleymanov (Diplomat) nəzarət edəcək. “Qanuni-oğru” Cavid Məmmədov (Dato Ağcabədinski) böyük ehtimalla Quliyə tabe olan taksi sürücüləri və pərakəndə satıcıları nəzarətə götürəcək. Sankt-Peterburqda yerləşən Sofiyskaya topdan satış bazasına isə “qanuni-oğru” Əli Heydərov (Albert Rıjiy) nəzarət edəcək. Qulinin kriminal avtoritet kimi yüksəlişinin başladığı Yekaterinburqun meyvə-tərəvəz bazarına isə artıq Azərbaycanın talış əsilli avtoritetləri iddia edirlər. Nadir Səlifovun “1 nömrəli qanuni-oğru” postuna isə kriminal aləmdən hələ ki, kimsə iddia etmir"- “Kommersant” belə yazır.