Azərbaycan Prezidenti Kremldən Rusiyanın “İskəndər” raket sisteminin haradan ortaya çıxmasının (Şuşa şəhərində tapılan “İskəndər” raketinin qalıqlarının – red) izahını tələb edir.

Başqa sözlə, Əliyev Rusiyaya qarşı dayanmaq üçün siyasi imkanlara malikdir və bu münasibət Qərb və Türkiyənin əlinə oynayır.

Bu barədə aravot-ru.am portalında dərc edilən yazıda qeyd olunur.

“İndi Orta Şərqdə və Cənubi Qafqazda iki böyük regional güc mövcuddur: Rusiya və Türkiyə. Hər iki ölkə üçün də Azərbaycan əsas və olduqca vacib bir oyunçudur. Sual yaranır, bəs Ermənistan?

Belə bir təəssürat yaranır ki, Ermənistan, ayrıca bir subyekt kimi, qəbul edilmir. Azərbaycan və ya Türkiyə Ermənistanın atdığı hər hansı bir addımdan narazı olarsa, bu ölkələrin liderləri Ermənistan dövlətinin himayədarı olan Rusiyaya müraciət edirlər. Ermənistana Azərbaycandan nəsə lazım olanda yenə də Rusiyaya müraciət edirik. Hər iki halda nə Azərbaycan, nə Türkiyə, nə də Rusiya bizi müstəqil dövlət saymır”, – yazıda qeyd olunur.