“Google”dan növbəti yenilik
29-10-2021, 08:42
Eyniadlı axtarış sisteminin sahibi olan “Google” şirkəti yetkinlik yaşına çatmayanların fotolarını axtarış nəticələrindən silinmə tələbini mümkün edib.
Bu barədə çərşənbə günü şirkətin bloqunda yerləşdirilmiş mesajda deyilir:
“Yeni siyasətə əsasən, yaşı 18-dən az olan hər kəs, eləcə də onların valideynləri və ya qəyyumları indi bir neçə sadə addımla şəkillərin axtarış nəticələrindən silinməsini tələb edə bilər”.
“Google” hesab edir ki, bu yenilik gənclərə rəqəmsal izlərini daha yaxşı idarə etməyə imkan verəcək. Eyni zamanda şirkət vurğulayır ki, axtarış nəticələrindən fotonun silinməsi onun internetdən tamamilə silinməsi demək deyil.
Mənbə: TASS
