ABŞ-da kəşfiyyat xidmətlərinin rolunu araşdıran araşdırmaçı jurnalist Kit Klarenberqin hazırladığı hesabatda FTB-yə ən çox məlumat göndərən proqramların "WhatsApp” və "iMessage” olduğu açıqlanıb.

Sfera.az xəbər verir ki, "Property of People” qrupunun ortaya çıxardığı gizli Federal Təhqiqat Bürosunun (FTB) sənədi "WhatsApp” və "iMessage” daxil olmaqla 9 fərqli mesajlaşma proqramının kəşfiyyat xidmətinə məlumat verdiyini ortaya çıxarıb.

Sənəd qısa, lakin şokedici təfərrüatlarla FTB-nin orderlər və çağırışlar vasitəsilə müvafiq metaməlumatları təmin etmək qabiliyyətini ortaya qoyub.

"Rolling Stone” tərəfindən əldə edilən sənəd Meta-nın, "WhatsApp”, "Apple”, "iMessage” platformalarının FTB-yə ən çox məlumat verən proqramlar olduğunu göstərir.

FTB-nin Elm və Texnologiya və Əməliyyat Texnologiyaları Bölməsi tərəfindən hazırlanan 7 yanvar 2021-ci il tarixli bu sənəddə bir sıra məşhur mesajlaşma proqramları, onlardan hansı məlumatların çıxarıla biləcəyi və tədqiqatçılar tərəfindən hansı məlumatların mühafizə oluna biləcəyi sadalanmaqdadır.

Əzizə Zeynal