Arvi viruslarının qarşısının alınmasında Şərq ədviyyatlarının xüsusi rolu var.

Cebhe.info xəbər verir ki, bunu dietoloq Mixail Ginzburq deyib. O, sadə, qeyri-dərmani üsul kimi Şərq ədviyyatlarından istifadə etməyi məsləhət görüb.

Tibb elmləri doktoru təkcə daha çox istifadə olunan soğan və sarımsaqdan deyil, sarıkök, zəncəfil, həmçinin qara və qırmızı bibərdən də istifadəyə çağırıb: "Bunlar hamısı bir qrup antiviral profilaktik məhsuldur".

Onun sözlərinə görə, bütün otlar dezinfeksiyaedici təsirə malikdir: “Ağız boşluğu və orofarenks bir çox virus infeksiyası üçün qapıdır. Bu məhsulların antibakterial və antiviral təsiri var”.