Son bir neçə ildə yeni yaradılan, heç bir qaynağı, məqsədi olmayan saytların sayı güdən-günə çoxalmağa başlayıb. Hər yeni gündə bir sayt fəaliyyət göstərdiyi halda bu saytları nə qədər peşəkar və ciddi hesab etmək olar?

Mövzu ilə bağlı media eksperti Zeynal Məmmədli Moderator.az-a açıqlama verib:

“Dənizdə batan saman çöpündən də yapışar. Sərbəst bazar yoxsa belə saytları saman çöpünə bənzətmək olar. Yeni yaradılan həmin saytların şəffaf olması etik və peşəkar öhdəliklərlə üst-üstə düşməlidir. Maliyyə qaynağı korporativ maraqlara, söz və media azadlığı çərçivəsində ayrıca ideoloji və siyasi məqsədlərə xidmət etməməlidir”.

“Bəs onları "ciddi media" kimi saymaq olarmı?”-sualına isə media eksperti etik və peşəkar öhdəlik götürüblərsə və əməl efirlərsə, bunun mümkün olduğunu bildirdi. Təbii ki, maliyyə qaynaqlarının şəffaf olması şərtiylə.