Rusiyanın kampaniyası ərzaq məhsulları və yanacaq, həm də ordu üçün lazımi xidmətlərin təminatındakı problemlər səbəbilə yavaşıyıb. Valuyki şəhərindəki (Belqorod vilayəti, Ukrayna ilə sərhəd) bazada yerləşmiş rusiyalı hərbçilər qida, paltar və sursat çatışmazlığı ilə üzləşiblər.

Bu barədə «Röyter» xəbər verir.

Britaniyanın hərbi kəşfiyyatı və Pentaqon dərc olunmuş materiallarda təsdiqləyirlər ki, Rusiyanın kampaniyası ərzaq və yanacaq, həm də ordu üçün lazımi xidmətlərin təchizatı baxımından problemlərlə üzləşib.

Ukraynaya qarşı döyüşmək üçün göndərilmiş əsgərlərdən birinin anası danışıb ki, fevraldan indiyə qədər iki dəfə Valuykiyə gedib ki, oğlunun olduğu bölməyə ərzaq aparsın - qida çatmaması səbəbilə. Onun sözlərinə görə, bəzi ordu hissəsinin əgərlərinin çəkmələrinin altlığı qopub və əyinlərində olan pambıq parçadan tikilmiş gödəkçələr onları soyuqdan qorumur.

Əri işğalçı ölkənin kəşfiyyat bölməsində xidmət edən yerli sakin Olqa Lukina danışıb ki, kəşfiyyatçılara pilotsuz aparatlar və gecə görmə avadanlığı çatışmır, digər hissələrə isə qida, dizel yanacağı lazımdır, üstəlik də onlara haradasa çimmək və paltarlarını yumaq lazımdır.