Yeni araşdırmalar göstərir ki, infarktdan təxminən bir il sonra yaranan ağrı növbəti səkkiz il ərzində daha yüksək ölüm riski deməkdir.

Cebhe.info xəbər verir ki, “Journal of the American Heart Association”-da dərc olunan araşdırmanı İsveçin Falun şəhərindəki Dalarna Universitetinin tibb elmləri üzrə dosenti Linda Viksnerin rəhbərlik etdiyi bir qrup keçirib. Onlar infarkt keçirmiş 18,300-dən çox yetkin xəstənin sağlamlıq məlumatlarını təhlil edib.

Araşdırmaçılar aşkar ediblər ki, infarktdan bir il sonra iştirakçıların təxminən 45%-i orta və şiddətli ağrılar bildirib.

Orta dərəcədə ağrı keçirən xəstələrin 8,5 il ərzində hər hansı bir səbəbdən ölmə ehtimalı ağrı hiss etməyənlərə nisbətən 35% daha çox idi.

Şiddətli ağrılar yaşayanların tədqiqat dövründə ölüm ehtimalı infarktdan ağrı keçirməyənlərə nisbətən iki dəfədən çox idi.

Məlumatlar iki aylıq təqib və infarktdan bir il sonra sorğu anketi zamanı əldə edilib. Xəstələrin orta yaşı 62 idi. Onlar 2005-2013-cü illərdə infarkt keçiriblər. Xəstələrin təxminən 24,5%-i qadınlardır.