Millət vəkili Fazil Mustafanın əlillik dərəcəsi almaq üçün müraciət etməsi sosial şəbəkə istifadəçiləri arasında müzakirələrə səbəb olub.

İnsanların bir qismi F. Mustafanın terror aktı nəticəsində əlillik dərəcəsi almasının düzgün olmadığını vurğulayıb , digər kəsim isə İranın terror hətəkətlərinin gündəmdə qalması ücün prosesin lazımlılığını qeyd edir.

TEREF.AZ-ın məlumatına görə, məsələni hüquqi nöqteyi- nəzərdən dəyərləndirən vəkil Adəm Məmmədov "Sherg.az"a açıqlamasında bildirib ki, tək terror zamanı deyil istənilən vəziyyətdə insan əlil ola bilər:

"Terror aktı, avto-qəza, yıxılma və başqa hadisə nəticəsində insan əlillik dərəcəsi ala bilər. Bunun üçün xüsusi bir hüquqi tədbir görülməli deyil. Buna müəyyən qurumlar baxır. Əgər əlillik dərəcəsinin verilməsi tələblərinə uyğun gəlirsə, komissiya bu dərəcəni həmin şəxsə verir. Müəyyən meyarları yada salmaq yetəlidir ki, məsələn, qolu olmayan insan 2-ci dərəcəli əlillik qrupuna aid edilir. Əlillik dərəcəsinin düşüb , düşməməsi barədə Sosial Müdafiə Nazirliyinin müvafiq komissiyası rəy verməlidir."