Uşağının qidalanmasından şikayətçi olan valideyn kifayət qədərdi. İndiki uşaqlar dönərə, çipsilərə, kolbasa-sosis məmulatlarına çox meyillidi. Duru yemək (suplar) yeyən uşaqlar çox azdır. Qida rejimini tənzimləmək lazımdır! Dönər əvəzinə uşağınızın çantasına adi pendirdən buterbrod qoyun.

Tribunainfo.az yazır ki, bu barədə danışan həkim-pediatr Vaqif Qarayev bildirib ki, uşaqlara ən az gündə bir dəfə duru yemək vermək vacibdir:

“Şirniyyatı kəskin azaldın, rəngli və qazlı içkilər verməyin, evə heç nəyə yaramayan kolbasa-sosis məmulatı almayın, ən azından günaşırı ət yeməkləri hazırlayın. Uşaqlarınızın gündəlik menyusunda mütləq meyvə olsun.
“Mənim uşağım bu dediklərinizin heç birini yemir” deyirsinizsə, həkimə müraciət edin, müayinə olunsun. Heç bir tibbi səbəb tapılmayacaqsa, məsuliyyət qalır valideynin boynunda. Yaşına uyğun gündəlik menyunu vaxtında tərtib etsəniz heç bir problem olmayacaq”.