Jurnalistlər Ukraynadakı müharibədə 56 452 rus əsgərinin öldüyünü adbaad təsdiqləyiblər. Xatırladaq ki, Rusiyanın Ukraynaya qarşı işğalçı müharibəsinin başlanğıcından “Mediazona” və BBC Rus Xidməti tərəfindən bu istiqamətdə araşdırma aparılır.

Adıçəkilən media qurumları könüllülər qrupu ilə birlikdə təsdiqlənmiş itkilərin adlar üzrə siyahısını tərtib edirlər. Məlumat açıq məlumatlardan toplanır: regional hakimiyyət orqanlarının mesajlarından, sosial şəbəkələrdəki nekroloqlardan, KİV-dəki məlumatlardan və çarpaz şəkildə yoxlanılır.

Hesabatlar iki həftədən bir dərc olunur. İyunun əvvəlindən bəri Rusiya ordusunun daha 1689 iştirakçısının öldüyü təsdiqlənib. Ölənlərin siyahısına 2022-ci ilə qədər Rusiya ordusunun tərkibində olmayan rusiyayönlü separatçı birləşmələrin hərbi qulluqçuları daxil deyil.

Bundan əlavə, “Vaqner” PMC-nin müharibədə öldürülən 19547 iştirakçısının siyahısı nəzərə alınmayıb. BBC-nin məlumatında deyilir ki, müəlliflər siyahıdakı adları təsdiqləyir və onları tədricən verilənlər bazasına əlavə edəcəklər. Bu, 56 min ölüyə daha 19.5 min əlavə etməyəcək. “Vaqner” sənədlərindən ən azı 6902 ölüm faktı artıq tədqiqatçılar tərəfindən nəzərə alınıb.

“Müəyyən edilmiş öla sayı Rusiyanın bütün itkiləri deyil. Tədqiqatçıların hesablamalarına görə, separatçı qüvvələr istisna olmaqla, ölənlərin ümumi sayı iki dəfə çox ola və 113 min nəfəri keçə bilər. Orada noyabrın sonundakı məlumatlara görə, daha 23.5 min hərbçi ölə bilərdi”, - materialda deyilir.

Bununla da ümumi itkilərin sayı 136,500-ə çatır. Bu yaxınlarda ABŞ-nin müdafiə naziri Lloyd Ostin Rusiyanın itkilərinin 350 mindən çox olduğunu bəyan edib. Ukrayna mənbələri isə öldürülən və yaranana rusiyalılarının sayının 520 minə çatdığını iddia edir.

Rusiya və Ukrayna müharibədə itkiləri açıqlamır. Rusiya prezidenti Vladimir Putin Ukrayna Silahlı Qüvvələri tərəfindən ölənlərin sayının 5 dəfə çox olduğunu iddia edir. Fevral ayında Ukrayna Prezidenti Vladimir Zelenski 2022-ci ilin əvvəlindən Ukrayna itkilərinin 31 min nəfər olduğunu bildirib.

2023-cü ilin dekabrında işə salınan “UA itkiləri” anonim layihəsi iyunun əvvəlinə Ukrayna ordusunda xidmət edən 51 245 ölü haqqında açıq məlumatlardan məlumat toplaya bildiyini, onlardan 2022-ci ilin fevralından bəri 46 450 nəfərin öldürüldüyünü iddia edir. Nəşr olunmuş nekroloqların təsadüfi yoxlanılması məlumatın etibarlılığını göstərir.