Dünya üzrə insanların əksəriyyətində çiçək xəstəliyinə qarşı immunitet yoxdur.

TASS xəbər verir ki, bunu epidemioloq, Rusiya Təhsil Akademiyasının vitse-prezidenti, Rusiya Elmlər Akademiyasının akademiki Gennadi Onişenko bildirib.

"Planetdəki insanların əksəriyyətində çiçək xəstəliyinə qarşı immunitet yoxdur, çünki biz yalnız 1980-ci ilədək hamını peyvənd etmişik. Təkcə Rusiyada deyil, bütün dünyadakı 1981-ci ildən sonra anadan olan insanların həmin virusa qarşı immunitetləri yoxdur", - deyə o qeyd edib.

Həkim qeyd edib ki, çiçək xəstəliyi bütövlükdə məğlub edilsə də, onun virusu tədqiqat üçün hələ də iki laboratoriyada - Rusiya və ABŞ-də saxlanılır.