ABŞ Hökumətinin Səmərəliliyi Departamentinin (DOGE) rəhbəri, milyarder İlon Mask bir neçə səbəbə görə siyasi karyerasını tərk edib.
Publika.az xəbər verir ki, bu barədə "The Washington Post" (WP) yazır.

Mənbələrin bildirdiyinə görə, iş adamı nəticə əldə etməkdə çətinlik çəkdiyi üçün məyus olub. Bundan əlavə, o, ailə üzvlərinin və özünün təhlükəsizliyindən narahatdır.

O, həmçinin Tesla şirkətinə və şəxsən özünə qarşı bu qədər mənfi reaksiya olacağını gözləmirdi. Şirkətin obyektlərində bir neçə narahatedici hadisə baş vermişdi.

Qətər İqtisadi Forumunda milyarder gələcəkdə bunu etmək üçün bir səbəb görməsə, siyasi fəaliyyətlərə "çox az" xərcləyəcəyini söyləyib.

“Şəxsi olaraq bir mənbə Maskın pulunun siyasi sistemə təsirindən məyus olduğunu, vaxtını və sərvətini başqa yerə sərf etməyi üstün tutduğunu söylədi”, - hesabatda deyilir.

Qeyd olunub ki, Milyarder diqqətini iki şirkəti "Tesla" və "SpaceX"in fəaliyyətinə yönəltmək niyyətindədir .

Xatırladaq ki, bu həftə media diqqəti ABŞ Prezidenti Donald Trampın sosial şəbəkələrdə və brifinqlərdə Maskdan bəhs etməyi dayandırmasına yönəldib. Fevral və mart aylarında siyasətçi həftədə ən azı dörd dəfə "Thruth Social" hesabında iş adamının adını çəkib. Aprelin əvvəlindən bəri ümumiyyətlə heç bir qeyd yoxdur. Mask sanki ABŞ-ın federal gündəmindən yoxa çıxıb.