Bu ilin ilk 7 ayı ərzində Azərbaycana xarici ölkələrdən 1 006 ton qabıqlı şabalıd idxal edilib.
Yeniavaz.com açıqlanan rəsmi məlumatlara istinadən xəbər verir ki, idxal olunan şabalıdın 1 kiloqramının orta gömrük dəyəri 2,3 dollar (3,9 manat) olub.
Qeyd edək ki, idxal olunan şabalıdın 96%-i və ya 968 tonu Çindən gətirilib. Çindən başqa 38,2 ton şabalıd da Gürcüstandan idxal olunub. Gürcüstandan gətirilən şabalıdın 1 kiloqramının orta gömrük dəyəri isə 2 dollar (3,4 manat) olub.
Müqayisə üçün bildirək ki, ötən ilin eyni dövrü ilə müqayisədə şabalıd idxalı 44% və ya 308 ton artıb. İdxal olunan şabalıdın 1 kiloqramının orta gömrük dəyəri isə ötən il 2,1 dollar (3,6 manat) olub.
Onu da qeyd edək ki, xaricdən idxal olunan şabalıdın 1 kiloqramının orta satış qiyməti avqust ayında marketlərdə 11,14 manat təşkil edib.
Açıqlanan rəqəmlərdən də göründüyü kimi, idxal şabalıd marketlərdə gömrük dəyərindən (ölkəyə daxil olma qiyməti) 2,8 dəfə baha satılır.