ABŞ Ədliyyə Nazirliyinin yüksəkvəzifəli məmuru ən azı altı ştatın prokurorlarına ölkə Prezidenti Donald Trampın məsuliyyətə cəlb olunmasını tələb etdiyi milyarder və Demokratlar Partiyasının sponsoru Corc Sorosun fondlarının fəaliyyətini araşdırmağı tapşırıb.

Bu barədə "The New York Times" nəşri müvafiq sərəncamın surətinə istinadən məlumat yayıb.

Qəzetin yazdığına görə, sentyabrın 22-də ABŞ baş prokurorunun müavininin ofisindən olan hüquqşünas Todd Blanş belə bir göstərişi Kaliforniya, Nyu-York, Vaşinqton, Çikaqo, Detroyt və Merilend, eləcə də digər ştatların prokurorluqlarına göndərib.