Rusiyada növbəti DƏHŞƏTLİ PARTLAYIŞ - Çox sayda ölü və yaralı var
8-08-2019, 15:47
Rusiyanın Arxangelsk vilayətindəki Severodvinsk şəhərindən 30 kilometr məsafədə yerləşən hərbi hissənin ərazisində güclü partlayış baş verib.
Redaktor.az Ria novosti agentliyinə istinadən xəbər verir ki, hadisə zamanı azı 2 nəfər həyatını itirib. 15-ə qədər yaralı var. Dərhal əraziyə yanğınsöndürənlər və təcili yardım briqadaları cəlb edilib. Hadisənin səbəbləri barədə məlumat yoxdur.
Xatırladaq ki, 3 gün əvvəl Krasnoyarsk vilayətində yerləşən Açinsk şəhərindəki hərbi hissədə də güclü partlayışlar baş verib. Artilleriya silahlarının saxlanıldığı anbarda qeydə alınan partlayışlardan sonra güclü yanğın başlayıb. Ölən və xəsarət alanlar var.