Amerika Birləşmiş Ştatlarından (ABŞ) olan astronavt Enn Makkleyni bunda günahlandırıblar ki, o, Beynəlxalq Kosmik Stansiyanın (BKS) göyərtəsindən əri Sammer Uordenin bank hesabına sanksiyasız giriş əldə edib. «KPRC» telekanalının məlumatına görə, ər-arvad boşanma prosesindədir.

«USAA BANK vəkilimə məlumat verib ki, Enn mənim bank hesablarıma daxil olub» – deyə, telekanal Uordendən sitat gətirir.

Bununla əlaqədar olaraq, Uorden personal məlumatlarının oğurlanması motivi ilə ABŞ Federal Ticarət Komissiyasına şikayət verib, ancaq bildirib ki, hesabından pul vəsaiti çıxarılmayıb. Bundan başqa, onun valideynləri NASA-ya müraciət ediblər ki, orada da yoxlama aparsınlar. NASA-da bu informasiyanı şərh etməyiblər.

«NASA-da bu barədə müraciət yoxdur və o, öz əməkdaşlarının şəxsi həyatı barədə məsələləri şərh etmir. Enn Makkleyn fəaliyyətdə olan astronavtdır» – deyə, telekanal idarənin cavabından sitat gətirir.

Xatırladaq ki, Makkleyn 7 ay BKS-da fəaliyyət göstərib. Xanım astronavt Yerə cari ilin iyun ayında qayıdıb.

AzPolitika.info