ABŞ-ın Cənubi Karolina ştatının qubernatoru Henri MakMaster bazar günü "Dorian" qasırğasının yaxınlaşması səbəbindən sahil sakinlərinin məcburi təxliyə edilməsinə dair sərəncam verib.

Trend-in məlumatına görə, bu barədə "Associated Press" agentliyi bildirib.

Ştat başçısının sözlərinə görə, təxliyə bazar ertəsi günortadan sonra başlayacaq. Qeyd edilir, bu əmr təxminən 1 milyon insana əhatə edəcək.

Təbii fəlakətin yaxınlaşması səbəbindən Florida, Corciya, Cənubi Karolina və Şimali Karolina ştatlarında fövqəladə vəziyyət rejimi tətbiq edilib.