ABŞ və müttəfiqi olan YPG/PKK Suriyada 700 nəfər terrorçuya təlim verərək təşkilatın sıralarına daxil ediblər. Türkiyə sərhədindən uzaq bölgələrdə qurulan düşərgələrdə amerikalı mütəxəssislər Suriyanın şimalını işğal eləmiş YPG/PKK təşkilatının üzvlərinə təlim keçiblər.

ABŞ Mərkəzi Qüvvələr Komandanlığının (CENTCOM) məlumatına görə, təlim zamanı daxili təhlükəsizlik, əldəqayırma partlayıcıların aşkarlanması və məhv edilməsi, kontra-terror məsələlərinin öyrədilməsi daxildir. 2015-ci ildən bəri İŞİD ilə mübarizə adı altında YPG/PKK terror təşkilatını dəstəkləyən ABŞ-ın Suriyada hələ də 18 hərbi bazası və 2 min nəfərə qədər əməkdaşı fəaliyyət göstərir. YPG/PKK, Suriyanın üçdə birini işğal etməkdədir.