ABŞ-ın Müdafiə naziri Mark Esper Meksika ilə sərhəddə yeni divar inşa etmək üçün sərf ediləcək 3,6 milyard dolların istifadəsinə icazə verib.

"Report" "CNN" ə istinadən xəbər verir ki, bu barədə onun ABŞ Senatının Silahlı Qüvvələr Komitəsinə göndərdiyi məktubda deyilir.

Qeyd olunub ki, bu layihələr ilk növbədə miqrantların ABŞ-a qanunsuz yolla gəlməsinin qarşısını almaq üçün həyata keçirilir.

Layihənin həyata keçirilməsi sayəsində yeni maneələrin qurulacağı yerlərdə Müdafiə Nazirliyinin sərhədi qorumaq üçün lazım olan heyətinin sayı da azaldılacaq.