İranda etiraz aksiyalarında ölənlərin sayı 25 nəfərə çatıb

17-11-2019, 13:59           
İranda etiraz aksiyalarında ölənlərin sayı 25 nəfərə çatıb
İran İslam Respublikasında son iki gündür davam edən etiraz aksiyalarında 20-dən çox insan həlak olub.

"Report" xəbər verir ki, bu barədə "Al-Hadath" telekanalı bildirib.

Telekanalın məlumatına görə, ölkədə yanacağın qiymətinin kəskin artımına etiraz əlaməti olaraq son günlər ayrı-ayrı şəhərlərdə keçirilən aksiyalarda təxminən 25 nəfər öldürülüb.

İranın hakimiyyət orqanları bununla bağlı rəsmi şərh verməyib. Ölkənin cənubunda yerləşən Sinjan şəhərinin hakimiyyət orqanları ötən günkü etirazlar zamanı bir nəfərin həlak olmasını elan ediblər.

Bir qədər əvvəl, "Fars" agentliyinin yaydığı məlumata görə, İranın ali dini lideri ayətulla Əli Xamenei bildirib ki, yanacağın qiymətinin qalxması haqqında qərar hakimiyyətin üç qolu tərəfindən düşünülüb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru