"Ona necə yaxınlaşacağımı bilmirdim"

Rusiyada 16 yaşlı oğlan 9 yaşlı qızı pedofil hücumundan xilas edib.

AzNews.az "Daily Mail"ə istinadən xəbər verir ki, hadisə İrkutsk şəhərində baş verib.

Belə ki, Vyaçeslav Doroşenko adlı məktəbli basketbol məşqindən qayıdarkən yolda bir kişinin kiçik qızı zorla maşına mindirdiyini görüb.

Pedofilin uşağa hücum etdiyi dəqiqələr küçədəki kameralar tərəfindən qeydə alınıb.


Qızın oğurlandığını görən oğlan deyib ki, onun “kömək edin” qışqırıqlarını eşidib.

“Mən tez ətrafa göz gəzdirdim, cəmi bircə nəfər var idi. Ona tərəf qaçdım və nə baş verdiyini danışdım. Ardınca biz uşağı qaçıranın maşınını izlədik.

Vyaçeslav Doroşenkoya kömək edən Qleb Sizıx cavan oğlanın qorxduğunu görüb, maşını ona tərəf sürdüyünü bildirib.

İki gənc pedofili tutanda o, qızı buraxıb və yalan danışıb: “Mənim fikrim yayınıb, elə bilmişəm ki bacımdır”.

Qleb Sizıxın sözlərinə görə, qaçırılan qız hasarın yanında dayanıb, ağlamağa başlayıb.

"Ona necə yaxınlaşacağımı bilmirdim. Anladım ki, indi o, məndən qorxacaq. Telefonumu verdim və qız anasına zəng etdi”, - deyə Sizıx qeyd edib.

Bu zaman adı açıqlanmayan pedofil qaçsa da, Vyaçeslav və Qlebin köməyi ilə o, polis tərəfindən bir saatdan az vaxt ərzində tutulub.

Hazırda 9 yaşlı qız psixoloq dəstəyi alır.