Xəbər verdiyimiz kimi, Soçidə Rusiya və Belarus prezidentlərinin görüşü keçirilir.

Cebhe.info bildirir ki, Putin həmkarını qarşılamağa gedərkən qırmızı gödəkcə geyinib. Rəngindən başqa gödəkçədə Rusiyanın gerbi və “V.V.Putin” yazılması diqqəti cəlb edib. Lukaşenko limuzindən çıxıb və bu zaman onun işgüzar geyimdə- kostyumda olduğu görünüb. O, zarafatla Putinə bildirib ki, onun Soçidəki iqamətgahında qar demək olar qalmayıb.

"Bəxtiniz gətirir. Dəniz, qar. Mənim yaşadığım yerdə qar qalmayıb",- deyə Lukaşenko vurğulayıb.

Cavabında Putin ona yaxınlıqdakı qar təpəcəyini göstərib və orada daha çox qar olduğunu deyib.

Xatırladaq ki, prezidentlərin görüşü Soçidə keçirilir və işgüzar səhər yeməyi formatında başlayıb. Prezidentlər birlikdə yeyib-içiblər.

Putin "Səhər “kaşa" yemisiz?",- deyə maraqlanıb.

Lukaşenko "Yox" deyib və bunu "kaşa"nın suda bişirilməsi ilə əlaqələndirib. Putin ona "kaşa"nı tərifləyib və dadına baxmağı məsləhət görüb.

Xatırladaq ki, prezidentlərin görüşü ABŞ dövlət katibi Mayk Pompeonun Belarusa səfərindən sonraya təsadüf edib.