Konqresdə ABŞ-ın 23 ştatının 75 nümayəndəsi ABŞ Nümayəndələr Palatasının Təsisatlar Komitəsinin xarici əməliyyatlar alt komitəsinə Ermənistana 100 milyon dollar, qondarma rejimə 1.5 milyon dollar ayrılması ilə əlaqədar məktub göndərib.

KONKRET.az xəbər verir ki, bu barədə məlumatı “Armenpress” nəşri ABŞ-ın Erməni Milli Komitəsinə istinadən yayıb.

Qondarma rejimə (Dağlıq Qarabağ nəzərdə tutulur) veriləcək 1.5 milyon dollar minaların təmizlənməsi və mina partlayışlarına məruz qalan insanların reabilitasiyası üçün nəzərdə tutulub.

Ermənistana ayrılan 100 milyon dollar iqtisadiyyatın, idarəetmənin, qanunun aliliyinin və təhlükəsizliyin dəstəklənməsinə yönəldilməlidir.

“Ay Data” Komitəsi məktubu imzalayan bütün konqresmenlərə Ermənistan və qondarma rejimə sülh və demokratiya işində töhfə verdiyi üçün təşəkkürlərini bildirib.