“Rusiyanın muzdlu əsgərləri Tripolidə kimyəvi silahdan istifadə edib”.

Cebhe.info-nun məlumatına görə, Liviya Milli Razılaşma Hökumətinin daxili işlər naziri Fəthi Başağa belə açıqlama ilə çıxış edib.

Başağa qeyd edib ki, “Vaqner” qrupunun döyüşçüləri Tripolinin cənubundakı Səlahəddin cəbhəsində Liviya ordusunun əsgərlərinə qarşı zəhərli qazdan istifadə edib. Nazir Liviyada sabitliyi təmin etmək üçün Türkiyə, ABŞ və Böyük Britaniya ilə əməkdaşlığı davam etdirdiklərini bildirib.

O, Tunis və Əlcəzair ilə də bu istiqamətdə danışıqların aparıldığını söyləyib.