İranda son sutka ərzində yeni növ koronavirusa (COVİD-19) yoluxan daha 60 nəfər vəfat edib.
Yeniavaz.com xarici KİV-ə istinadən xəbər verir ki, bunu İran Səhiyyə Nazirliyinin rəsmi nümayəndəsi Kianuş Cahanpur bildirib.
Bununla da İranda koronavirusa yoluxma nəticəsində ölənlərin sayı 5 min 710 nəfərə çatıb. Ötən sutka ərzində ölkədə 1153 nəfərin koronavirusa yoluxduğu aşkarlanıb və ölkədə koronavirusa yoluxanların sayı 90 min 481 nəfərə çatıb. İndiyə qədər virusa yoluxan 69 min 657 nəfər sağalıb.