Çinli həkim öldüyü barədə xəbərlər yayılan Şimali Koreya lideri Kim Çen Inın səhhəti barədə məlumat verib.

Cebhe.info xəbər verir ki, həkimlə müsahibəni Yaponiyann "Shukan Gendai" qəzeti yazıb. Qəzet təhlükəsizlik səbəbilə həkimin adını açıqlamayıb.

Həkim bildirib ki, Kim Çen uğursuz əməliyyatdan sonra komaya düşüb və hazırda huşsuz vəziyyətdədir. Onun sözlərinə görə, səfərlərdən biri zamanı Kim Çenın vəziyyəti pisləşib, onu xəstəxanaya aparıblar və dərhal da Çindən həkim briqadası göndərilib.

Ancaq zaman Kim Çenın əleyhinə işlədiyindən, çinli həkimləri gözləmədən yerli həkim onu əməliyyat etməyə məcbur qalıb. Cərrah-kardioloq əməliyyat zamanı olduqca həyəcanlı olub və bu, onun işinə təsir edib. Buna görə də Kim Çen Inın ürəyinə stend qoyulması 8 dəqiqəyə başa gəlib: "Bu müddətdə Kim Çen "tərəvəzə çevrilib", çinli həkimlər də ona kömək edə bilməyiblər".

Xatırladaq ki, Kim Çenın vəziyyətinin ağırlaşması barədə ilk xəbər 11 apreldə yayılıb. Həmin müddətdən sonra ölkə mətbuatı onun barəsində heç bir məlumat verməyib.