Koronavirus pandemiyası dövründə Suriyada atışmalar davam edərsə, bədəli çox ağır olacaq.

Axar.az xəbər verir ki, bu sözləri BMT-nin Suriya üzrə xüsusi nümayəndəsi Qeyr Pedersen deyib.

Diplomat ölkənin cənubunda təhlükəsizlik şərtlərinin narahatlıq doğurduğunu və çöllük ərazilərdə İŞİD-in yenidən dirçəldiyini bildirib:

“Suriyada müdafiəsiz insanların köçünə səbəb olacaq yeni müharibə ilə barışa bilmərik. İki ay əvvəl bu dəhşətə şahid olduq. Bu ssenarinin pandemiyadan əvvəl qarşısını ala bilmədik, pandemiya dövründə olarsa, bədəli çox ağır olar”.