Şimali Koreya liderinin səhhəti ilə bağlı həftələrlə davam edən fərziyyələrdən sonra hazırda sosial şəbəkələrdə onun oxşarından istifadə etməsi iddiası müzakirə edilir.

Teref.az “Sputnik”-ə istinadla xəbər verir ki, mayın əvvəllərində gübrə zavodunun açılış mərasimində qeydə alınmış görüntülərdə Kim Çen In deyil, oxşarının əks olunmasına dair ehtimallar var.

Sui-qəsd nəzəriyyəçiləri Şimali Koreya liderinin köhnə şəkillərinin son görüntü ilə müqayisə ediblər.

“Twitter”-də şəkildəki şəxsin plastik əməliyyat keçirən adam olduğunu iddia edən bir çox istifadəçi var.

“International Business” qəzeti isə Kimin sui-qəsd riskini nəzərə alaraq oxşarından istifadə etdiyini iddia edib.