Aleksandr Lukaşenkoya dəstək mitinqləri avqustun 18-də Moqilev və Qomeldə keçirilib.

KONKRET.az xəbər verir ki, bu haqda məlumatı BBC telekanalı yayıb.

Jurnalistlərin hesablamalarına görə, mitinqlərə 10 minədək insan toplaşıb.



Moqilevdə hazırkı iqtidarın mitinqi ilə eyni vaxtda ona qarşı mitinq baş tutub. Müxalifətin mitinqi şəhər meri tərəfindən təsdiqlənib, onun yeganə istəyi mitinqi “şəhər mərkəzindən kənarda” keçirmək olub.

Qomeldə Lukaşenkoya dəstək mitinqi üçün insanlar əvvəlcədən toplaşmağa başlayıblar. Jurnalistlər görüblər ki, bölgənin hər yerindən insanları daşıyan avtobuslar görüşün keçirildiyi Lenin meydanına gəlib.

Bundan əvvəl, avqustun 16-da Minskdə Lukaşenkoya dəstək mitinqi keçirilib.