Moderator.az Amerika-Rusiya Ticarət və Sənaye Palatasının üzvü Mixail Bobrışevin Belarusda baş verənlərə həsr olunmuş maraqlı məqaləsini təqdim edir.

Məqalə “ExoMoskvı” nəşrində yayılıb.

“Belarus. Siyasi icmalçılar liderin siyasi ölümünü təsdiq edirlər. Bu, hətta "topal ördək" deyil, vurulmuş pilotdur. Heç kim onun hesabı ilə razı deyil. Seçkilərin nəticələri Avropa Birliyi ölkələri tərəfindən tanınmadı, eyni zamanda Böyük Britaniya, İrlandiya, Kanada da bu siyahıya əlavə olundu.

Rusiya seçkini tanımağa tələsdi (nədənsə mən təəccüblənmirəm), Orta Asiya respublikaları və qəribə olsa da Ermənistan da tanımağa tələsdi! Ermənistan, sən ki, özün çoxdan azadlıq uğrunda mübarizə aparırdın, nə baş verdi? Təəccüblü deyil ki, Ermənistanın özündə də bu təbrik birmənalı olaraq qəbul edilmir: “Baş nazir tələsdi"-deyirlər.

Rusiya Xarici İşlər Nazirliyi uzun müddət səssiz qaldı - M. Zaxarovanın çıxışı sayılmır, çünki o heç bir şey haqqında deyil. Lavrov yalnız çərşənbə günü seçkilərin ideal olmadığını ağzından çıxardı.

Həm də, Lavrov heç vaxt aşırı qəddarlıq, dinc nümayişçilərin kütləvi şəkildə tutulması, prezidentliyə namizədlərin həbsi, seçkilər zamanı pozuntuların olması ilə bağlı qınaq və narahatlığını bildirmədi. Kreml də susur.

Bir sual vermək istərdim, siz elə bilirsiniz ki, Belarus xalqı bütün bunları görmür? İnanın, insanlar sizin təsəvvür etdiyinizdən daha çox şey görür və eşidir və bunu uzun müddət xatırlayacaqlar və baş verənləri nəzərə alaraq Rusiya ilə münasibətlər quracaqlar.

Lukaşenko hələ nə baş verdiyini anlamır, ancaq MZKT işçiləri ilə görüşün soyuq duşu onu düşünməyə vadar etdi. Öz dayağı hesab etdiyi fəhlələrdən təkrar “çıx get” eşitdi.

Müəssisələr, qurumlar və hətta KİV tətil edir! Luka artıq "beşinci hakimiyyətə" sahib deyil.

Ordunun və təhlükəsizlik qüvvələrinin nə deyəcəyini gözləyirlər. Onlar da xalqdandır və bunu nə qədər tez dərk etsələr, qan tökülmə ehtimalı bir o qədər az olar.

Getmək üçün variantlar azalır. Əvvəllər Lukaşenko yenidən seçki keçirməyi yaxın buraxmırdı (özü belə dedi: mənim meyidimin üstündən keçib seçki keçirə bilərsiniz), amma indi onun təklifi belədir: "Konstitusiyaya edilən dəyişikliklərdən sonra yeni seçkilər keçirəcəyik". Son variant əvvəlkindən daha az realdır, buna görə şərhə ehtiyac yoxdur.

Bunun necə olacağını təxmin etməyəcəyik, ancaq bunun olacağına heç kimin şübhəsi yoxdur. Batka nə Qərbə, nə də Şərqə lazımdır və əlbəttə belaruslara da lazım deyil. Vəziyyət sürətlə dəyişir, məlumatlar cəbhədən gələn xəbərlərə bənzəyir. Qrodno hakimiyyəti artıq müxalifətlə dil tapıb.

Ölkədə əslində ikihakimiyyətlilikdir. Köhnə hökumətin hələ də bütün güc qolları - ordu, təhlükəsizlik qüvvələri, məhkəmələr və həbsxanaların əlində olmasına baxmayaraq, tərəzinin gözü xalqın tərəfinə əyilib.

Kim ki müxalifətin tərəfinə vaxtında keçəcək mövqeyini və azadlığını qorumaq üçün yaxşı şansı olacaq.

Kim də ki, Lukadan bərk yapışacaq, çox güman ki, onu həsədediləcək tale gözləmir.Belarusların inqilab təcrübəsi yoxdur, passionar liderlər yoxdur (həqiqi dəlidolular azdır ..). Ancaq tarixdə hakimiyyətin dinc şəkildə keçməsi nümunələri də var . Buna misal olaraq Polşa və Almaniya Demokratik Respublikasını göstərmək olar. Diktatorların sonadək hakimiyyətdən yapışdığı hallar da unudulmur, ən parlaq nümunələr Rumıniya və Liviyadır.

Lukaşenkonun hələ də hakimiyyətin ötürülməsinin ləyaqətli variantı var və əgər o bunu özü etməsə, başqalarının onunla nə edəcəyini seçməsi baş verə bilər. Belə vəziyyətlərdə seçimlər, gördüyünüz kimi, qeyri-humanistdir...

Xalqla dialoq qurmağa qərar verəcək, yoxsa onları nə hesab edir və bilirik ki, onları " kiçik xalq", "qoyunlar", "narkomanlar", "ünsürlər" adlandırır?

Dünya bu saf, parlaq üzləri ləyaqətli və inamlı gördü və açıq şəkildə heyran qaldı!