Trampın seçki qərargahı rekord qırdı: 1 milyardı ötdü
23-08-2020, 00:05
ABŞ Prezidenti Donald Trampın seçki qərargahı, Respublikaçılar Partiyası və digər iki əlaqəli komitə 2017-ci ildən bəri hazırkı dövlət başçısının yenidən seçilmə kampaniyasına 1 milyard dollardan çox pul xərcləyib. Bu da prezident yarışılarında rekord məbləğdir.
Axar.az xəbər verir ki, bu barədə “Vaşınqton Post” qəzetindəki müvafiq maliyyə hesabatlarını təhlil edən məqalədə bildirilib.
Qeyd olunub ki, Tramp 2017-ci ildə vəzifəyə gəldikdən sonra yenidən seçki kampaniyası üçün vəsait toplamağa və xərcləməyə başlayib.
Müqayisə üçün qeyd edək ki, 2012-ci ilin avqustuna qədər seçkilərə bir neçə ay qalmış ABŞ-ın 44-cü prezidenti Barak Obamanın qərargahı və Demokratik Partiyanın Milli Komitəsi (NKDP) yenidən seçki kampaniyasına 643 milyon dollar xərcləyib.
Qeyd edək ki, ABŞ-da prezident seçkiləri bu ilin noyabrın 3-də keçiriləcək.