Dehlidən baxış: ABŞ-ın S-400 hədəsi özünə ziyan verəcək
22-08-2020, 23:29
ABŞ-ın S-400 sistemləri ilə bağlı mövqeyi yalnız özlərinə zərər verir.
Axar.az xəbər verir ki, bunu hindli hərbi ekspert Amid Kovşiş deyib.
O bildirib ki, Hindistana sanksiya tətbiq edilməsi ABŞ-ın maraqlarına zərər verəcək:
“Hindistan bu gün ABŞ üçün ən böyük bazarlardan biridir. İki ölkə arasında demək olar ki, bütün əlaqələr müdafiə ticarəti üzərində qurulub. Əgər Tramp administrasiyası sanksiyalara davam edərsə, Hindistan ABŞ-dan hərbi avadanlıqlar almayacaq”.
Qeyd edək ki, Hindistan S-400 zenit raket kompleks sistemlərini satın almaq üçün Rusiya ilə 5,43 milyard dollarlıq müqavilə imzalayıb. ABŞ isə Hindistanı anlaşmadan imtina etməsi üçün sanksiyalarla təhdid edir.