Rusiya və Ermənistanın müdafiə nazirləri - Sergey Şoyqu və David Tonoyan bazar günü Moskvada görüş zamanı Ermənistan-Azərbaycan sərhədində, həmçinin Dağlıq Qarabağda qoşunların təmas xəttində vəziyyəti müzakirə ediblər.

Virtualaz.org-un məlumatına görə, bu barədə Ermənistanın Müdafiə Nazirliyi məlumat yayıb.

Məlumatda deyilir: "Görüş zamanı Ermənistan müdafiə naziri rusiyalı həmkarına iyulda baş vermiş hərbi əməliyyatlardan sonra regiondakı mövcud vəziyyət, həmçinin Ermənistan-Azərbaycan dövlət sərhədində və Dağlıq Qarabağda atəşkəs xəttindəki əməliyyat şəraiti ilə bağlı məlumat təqdim edib".

Tərəflər həmçinin ikitərəfli hərbi əməkdaşlıq məsələlərini və regional problemləri müzakirə ediblər.