Talibanın qurucularından biri olan Molla Abdul Qani Bəradərin başçılıq etdiyi Taliban nümayəndə heyəti İslamabadda Pakistanın xarici işlər naziri Şah Mahmud Qureyşi ilə görüşüb.

REAL xəbər verir ki, Pakistan və Taliban ABŞ-ın keçən ay dayandırdığı Əfqanıstandakı sülh danışıqları prosesinin ən qısa müddətdə yenidən başlaması mövzusuna yenidən baxıblar.

Tərəflər Əfqanıstandakı təhlükəsizlik vəziyyəti və sülh prosesindəki inkişafları, həmçinin iki qonşu ölkə arasında insanların hərəkəti və ticarətinin rahatlaşdırılması kimi məsələlərin müzakirə ediləcəyi gözlənilir.

Bu barədə "Taliban" siyasi idarəsinin sözçüsü Suhail Şahin "Twitter"də yazıb. Pakistanın Xarici İşlər Naziri Şah Mahmud Qureyşi bundan əvvəl, Taliban heyəti ilə görüşəcəyini təsdiqləyərək, İslamabadın vasitəçi rol oyanadığını bildirib.