“Son on ildə ictimai və ekspert-siyasi dairələrdə müharibə ehtimalının olduğu və ya hərbi əməliyyatların yenidən başlayacağı barədə danışılmayan bir il xatırlamıram”. Ordu.az erməni KİV-lərinə istinadən xəbər verir ki, bunu Ermənistanın “Orbeli” mərkəzinin eksperti, erməni politoloq Karen Veranyan deyib.

Veranyan qeyd edib ki, Ermənistanın sabiq prezidenti Serj Sarkisyanın mətbuat konfransında səslənmiş “müharibə təhlükəsi böyükdür” ifadəsi ilə o qədər də razı deyil.

“Hərbi əməliyyatların yenidən başlaması ehtimalı Tavuş hadisələrinə qədərki ehtimaldan daha aşağıdır”, - deyə erməni politoloq vurğulayıb.