Şimali Koreyanın son aylar tez-tez yoxa çıxan və tapılan lideri Kim Çen In bu dəfə də üzə çıxıb.

Onun yoxa çıxması barədə təkrar xəbər yayıldıqdan iki gün sonra Kim Çen Əmək Partiyasını iclasa toplayıb. İclasda koronavirusla mübarizə tədbirləri müzakirə olunub və rəsmi mətbuat iclasdan çəkilən fotoları yayıb.

Səlahiyyətlərinin bir hissəsini 33 yaşlı bacısı Kim E Çjona verdikdən sonra liderin səhhəti ilə bağlı xəbərlərin müzakirəsi intensivləşib. Bəzi məlumatlara görə, Kim Çenin səhhətində problemlər var və buna görə də hakimiyyət tədricən ötürülür.