Aleksey Navalnıya qarşı dələduzluqla bağlı cinayət işi açılıb.

Bunu Rusiya İstintaq Komitəsinin rəsmisi Svetlana Petrenko deyib.

“Rusiya İstintaq Komitəsinin Baş İstintaq İdarəsi, Rusiya Federasiyası Cinayət Məcəlləsinin 159-cu maddəsinin 4-cü hissəsinə (xüsusilə böyük miqyasda dələduzluq) əsasən Aleksey Navalnı və digər şəxslərə qarşı cinayət işi başlanması üçün kifayət qədər məlumat toplayıb”, - Petrenko bildirib.

İstintaqın məlumatına əsasən, Korrupsiyaya qarşı Mübarizə Fondu, “İlin 5-ci mövsümü” KİV-ə dəstək Fondu, Vətəndaşların Hüquqlarının Müdafiəsi Təşkilatı və Koordinasiyası Fondu, Vətəndaşların Hüquqi Dəstəyi Fondu və “Qərargah” Vətəndaşların Hüquqlarının Müdafiəsi Fondu da daxil olmaqla bir sıra qeyri-kommersiya təşkilatları üçün fiziki şəxslərdən 588 milyon rubl pul toplanılıb.

“Pullar bu təşkilatların məqsədləri üçün nəzərdə tutulmuşdu. Amma Navalnı bu məbləğin 356 milyon rubldan çoxunu şəxsi məqsədlər üçün, o cümlədən şəxsi əmlak əldə etmək və xaricdəki tətillər də daxil olmaqla xərclərin ödənilməsi üçün xərcləyib”, - komitədən bildirilib./axar