Respublikaçı senatorların bir qrupu yanvarın 6-da Amerika Birləşmiş Ştatları (ABŞ) Konrqresində prezident seçkilərinin nəticələrinin təsdiq edilməsi zamanı bu prosedurun əleyhinə çıxmağa cəhd göstərə bilər. Bu barədə «CNN» telekanalının saytında dərc olunmuş materialda söhbət açılır.

İki respublikaçı konqresmenin jurnalistlərə xəbər verdiyi kimi, belə cəhdi onların Senatdakı və Nümayəndələr Palatasındakı 140-a yaxın partiyadaşı göstərə bilər.

Telekanalın qiymətləndirməsinə görə, «prezident Donald Trmpın respublikaçılardan olan müttəfiqlərinin bu prosesduru dəyişmək şansı yoxdur».

Materialda qeyd edildiyi kimi, barəsində söhbət gedən qanunvericilər «seçənlər tərəfindən Baydenin seçkilədə qələbəsinin qaçılmaz təsdiqini yalnız bir neçə saatlığa təxirə sala bilər».

Telekanalın məlumatına görə, Senatdakı respublikaçıların başçısı Mitç Makkonnell yuxarı palatada öz partiyadaşlarını prezident seçkilərinin nəticələrini çəkişmə mövzusu etməməyə çağırıb.

Xatırladaq ki, yanvarın 6-da ABŞ Konqresinin hər iki palatasının birgə iclasında seçənlərin səsverməsinin nəticələri təsdiqlənməlidir.