ABŞ Prezidenti Donald Tramp Vaşinqtonda etiraz aksiyası keçirənlərə müraciət edərək, onları dinc hərəkət etməyə çağırıb.

KONKRET.az xəbər verir ki, bu barədə Ağ Ev rəhbəri özünün tvitterdəki səhifəsində yazıb.

“Xahiş edirəm, paytaxt polisimizi və asayiş keşikçilərimizi dəstəkləyin. Onlar həqiqətən də bizim ölkəmizin tərəfindədir.

ABŞ Kapitoliydəki hər kəsin dinc qalmasını xahiş edirəm. Şiddət yoxdur! Unutmayın, biz Qanun tərəfiyik. Qanuna hörmət edin. Çox sağ olun!”, – Prezident yazıb.

Qeyd edək ki, daha əvvəl mitinqdəki minlərlə tərəfdarı qarşısında çıxış edən Tramp onları Konqresə getməyə çağırıb. Etirazçılar binaya soxulublar. Parlamentin prezident seçkilərinin nəticələrini təsdiq etməli olan hər iki palatasının işi dayandırılıb.