Rusiya prezidenti koronavirusla mübarizə məqsədilə maraqlı addım atıb. Bizimxeber.az bildirir ki, Putin tanınmış jurnalist Pavel Zarubinə verdiyi müsahibəsində koronavirusa qarşı aşılandıqdan sonra yatmazdan əvvəl komodun üstünə termometr qoyduğunu söyləyib: "Hər ehtimala qarşı yatarkən şkafımın üstünə termometr qoyuram".

Qeyd edək ki, bu həftə dövlət başçısı COVID-19-a qarşı peyvənd olunub. Kreml prezidentə hansı vaksinin vurulduğunu açıqlamır.

Bu üç rus vaksindən biri - Sputnik V, EpiVacCorona və ya KoviVak ola bilər. Vaksinlərdən yalnız ilk ikisi 60 yaşdan yuxarı insanlara vurulmaq üçün təsdiqlənib. Təlimata görə, "Sputnik V" nin ikinci inyeksiyası üç həftədə, "EpiVacKorona" isə iki və ya üç həftədə edilməlidir.

Prezidentin mətbuat katibi Dmitri Peskovun sözlərinə görə, peyvənddən sonra Putinin heç bir yan təsiri olmayıb, özünü yaxşı hiss edir.