SON DƏQİQƏ: Atəşkəs pozuldu – Rusiya helikopterləri hərəkətə keçdi
3-04-2021, 19:56
Rusiyanın Ukrayna sərhədinə ağır texnika və hərbi qüvvə cəmləşdirməsi Kiyev-Moskva xəttindəki gərginliyi bir qədər də artırıb.
Busaat.az xəbər verir ki, Ukrayna-Rusiya sərhədində yaşayan vətəndaşların qeydə aldığı və sosial mediada paylaşdığı görüntülərdə Rusiyanın sərhədə Kamov Ka-52 və Mi-28 tipli hərbi helikopterləri göndərdiyi öz əksini tapıb. Görüntülərin nə dərəcədə reallığı əks etdirdiyi məlum deyil.
Dünən Ukraynanın şərqindəki Donbass bölgəsində atəşkəsin pozulması nəticəsində 2 Ukrayna əsgərinin və 1 mülki şəxsin yaralandığı qeyd olunub. Ukrayna Silahlı Qüvvələri tərəfindən verilən açıqlamada separatçıların dünən atəşkəsi 21 dəfə pozduğu bildirilib.