NATO kəşfiyyatçı olduqları səbəbiylə Rusiya missiyasından 8 nəfərin akkreditasiyasını ləğv edib.

Teleqraf.com xarici KİV-ə istinadən xəbər verir ki, NATO rəsmisi Rusiyanın təcavüzkar davranışlarına qarşı cəsarətli cavab veriləcəyini və müdafiənin gücləndiriləcəyini bildirib, eyni zamanda dialoqa açıq olduqları mesajını verib.

NATO rəsmisi Rusiyanın alyansdakı missiyasının 8 üzvünün kəşfiyyat zabiti olduğu üçün akkreditasiyasının ləğv edildiyini açıqlayıb. O, akkreditə olunmuş rusiyalı nümayəndələrin sayının 20-dən 10-a endirildiyini bildirib.

NATO-nun bu qərarına münasibət bildirən Rusiya Dövlət Dumasının Beynəlxalq Əlaqələr Komitəsinin sədri Leonid Slutskin Moskvanın buna cavab verəcəyini deyib.