Gürcüstanın həbsdə olan eks-prezidenti Mixail Saakaşvili aclıqdan dolayı olduqca zəifdir, simasının rəngi sarıdır.

Axar.az xəbər verir ki, bu sözləri Vahid Milli Hərəkat Partiyasının üzvü Xatiya Dekonidze M.Saakaşvili ilə görüşündən sonra deyib.

“Hər keçən gün zəifləyir. Çox zəifdir, arıqlayıb, simasının rəngi sarıdır. Olduqca narahatam. Cümə axşamı günü görüşdə o, möhkəm idi, dözürdü. Lakin bu gün biz xeyli danışdıq və söhbət zamanı o qədər zəif idi ki, dayandı və əlavə güc toplayana kimi söhbəti davam etdirə bilmədik”, - deyə Dekonidze bildirib.