ABŞ Dövlət Departamenti 2020-ci il prezident seçkilərinə təsir göstərməyə cəhd edən “hökumət üçün işləyən iranlı hakerlər” haqqında məlumat üçün 10 milyon dollara qədər mükafat elan edib.

“Qafqazinfo” xəbər verir ki, bu barədə ABŞ Dövlət Departamenti Tvitterdə məlumat yayıb.

“10 milyon dollara qədər mükafat veriləcək. Bu hakerlər 2020-ci ildə ABŞ-da keçiriləcək seçkilərə təsir etmək üçün İran hökuməti üçün işləyiblər”, - deyə məlumatda bildirilir. Dövlət Departamenti Tvitterdə həmçinin Seyid Hüseyn Kazımi və Səhhət Kaşiani adlı iki hakerin fotosunu da yayaraq onlar haqqında məlumat gözlədiklərini elan edib. Məlumata görə, sözügedən şəxslər seçki kampaniyasına təsir göstərmək və seçiciləri qorxutmaq üçün serverləri və e-poçt hesablarını ələ keçirməyə cəhd ediblər.