Ukraynanın keçmiş prezidenti Pyotr Poroşenko NATO-nu Kiyevi daha çox silahla təmin etməyə çağırıb. Həmçinin alyansın ölkədə xüsusi missiyasının yaradılmasının zəruriliyini bəyan edib.

Bizimyol.info xəbər verir ki, bu barədə siyasətçinin rəhbərlik etdiyi Avropa Həmrəyliyi Partiyasının mətbuat xidməti məlumat yayıb.

Poroşenko bu bəyanatla Kanadanın Halifax şəhərində keçirilən Beynəlxalq Təhlükəsizlik Forumunda çıxış edib.

“O NATO-nu Kiyevi zenit silahları ilə təmin etməyə çağırıb ki, bu da Moskva üçün Ukraynaya təklif edilən işğalın qiymətini qaldıracaq. Poroşenko həmçinin Kanadanı NATO müttəfiqlərini daha çox müdafiə avadanlığı, o cümlədən elektron müharibə avadanlığı ilə təmin etməyə inandırmağa çağırıb”, - deyə partiyanın rəsmi saytında bildirilir.

Keçmiş dövlət başçısının sözlərinə görə, hazırda Ukraynaya qarşı “Rusiyanın təcavüzünün yeni mərhələsi”ndən faktiki danışmaq olar.

Nəticədə, Poroşenko hesab edir ki, ölkənin Şimali Atlantika Alyansına vaxtından əvvəl qəbul edilməsi üçün prosedurları sürətləndirmək lazımdır.