İranın cənub-qərbində yerləşən Çaharmahal və Bəxtiyariyə əyalətinin inzibati mərkəzi sayılan Şəhrikürd şəhərinin sakinləri içməli suyun olmaması səbəbindən qubernatorun iqamətgahı qarşısında nümayiş təşkil ediblər.

Axar.az xəbər verir ki, bu barədə "IRIB" dövlət kanalı məlumat yayıb.

Məlumata görə, susuzluğa səbəb yağıntıların olmaması və ölkədə son 50 ilin ən pis quraqlığın yaşanmasıdır.

Qeyd edək ki,İsfahan şəhərində də yüzlərlə fermer şəhərin yeganə çayı olan Zayanderudun quruması ilə bağlı aksiya keçirib. İran prezidenti İbrahim Rəisi şəhərdə içməli su çatışmazlığı problemini aradan qaldırmaq üçün energetika nazirini İsfahana göndərib.